Tl studio dl RTR
Foto: Facts & Figures
Media
Deperpo che le retoroman vëgn ti Grijuns bele adorè dal mëteman dl 19. secul incà, à i ladins dles Dolomites messü aspetè plü dî denant che ai podess lì le pröm foliet te so lingaz dla uma.
Ti Grijuns él n foliet da vigni dé rumanc, La Quotidiana, tla Ladinia él n foliet edemal, La Usc di Ladins. Le fat che ara sides jüda da publiché n foliet da vigni dé ti Grijuns é zënzater mirit dla agenzia de stampa Agentura da Novitads Rumantscha.
Al vëgn dè fora regolarmënter calëndri, croniches y d’atres publicaziuns, sides por rumanc co inće ti idioms dl ladin dles Dolomites. La oferta de trasmisciuns por rumanc tl radio y tla televijiun (Radio e Televisiun Rumantscha) é cotan plü ampla co chëra di ladins dles Dolomites. Amesa i agn ‘50 àn metü man pro le Rai-Sender Bozen da mëte en ona trasmisciuns radiofoniches por ladin, impormò plü tert él gnü laprò inće les trasmisciuns televisives. L’adoranza dl retoroman s’à fat lerch ti ultimi agn inće te internet (ćiara chilò la lista di link revardënta).