News »
Ladinia
Schule / Kultur | 31.01.2012
Dat pro l Cunsëi de direzion dla scolines ladines
USP - La Jonta provinziela à dat pro l cunsëi de direzion nuef per la scolines ladines. Sun pruposta dl’assessëur ladin Florian Mussner à la Jonta (INIER) ai 30 de jené numinà cater espertes y à dat pro dut l Cunsëi nuef per si ncëria nchin dl 2014.
Schule / Kultur | 27.01.2012
Cuntribuc per la cultura ladina: udienza n lunesc ai 30
USP – Lies che fej atività culturela ladina possa nchin ai 31 de jené fé dumanda per n sustëni a finanzië ativiteies ntan l ann 2012. Per la lies de Gherdëina vëniel n lunesc ai 30 de jené pità na udienza te chëla che l vën dat nfurmazion y judà a fé la dumandes. Te chësta ucajion vëniel nce pià do la dumandes.
Schule / Kultur | 27.01.2012
Domandes y cursc de preparaziun al ejam de ladin por insegnanc
USP - Por rové tles gradatöres di insegnanc tles scores y scolines ladines mësson avëi fat n ejam de ladin aposta. Le proscimo ejam por i insegnanc é ai 21 de merz; an po se scrì ite c;ina ai 21 de forà. I cursc por s’arjigné ca mët man ai 2 de forà.
Schule / Kultur | 26.01.2012
Sculeies ladins al medemo livel linguistich sciche tudësc y taliani
USP – L’analisa dla cumpetënza de scrì tla scoles ladines mostra su che i sculeies ladins arjonj ala fin dla scola auta feter l medemo livel sciche sculeies de rujeneda tudëscia y taliana. I resultac dl’analisa linguistica, laurei ora a livel universiter y publichei te n cudejel, ie (NCUEI) ai 26 de jené unic prejentei tl palaz Widmann a Bulsan.
Schule / Kultur | 24.01.2012
Materies di ejams de matura 2012 tla scoles ladines
USP – La materies che unirà damandedes tla segonda prova scrita dl’ejam de stat tla scoles autes ladines ie unides crisses ora. Tla scoles autes te Gherdëina y tla Val Badia se tratela de economia aziendela, rujenedes fulestieres y dessëni. La Ntendënza ladina a una cun l Minister dl Istruzion a Roma à nce fat ora ciuna materies che vën damandedes ora a usc dai cumëmbri dla cumiscion che vën da d’autra scoles.
Schule / Kultur | 23.01.2012
Jonta provinziela da pro l’ena a 5 dis per duta la scoles
USP – L calënder dla scoles unirà cun l proscimo ann de scola unificà per la scolines, elementeres, mesanes y scoles autes. La Jonta provinziela à (NCUEI) ai 23 de jené dat pro de scurté l’ena de scola a cin dis y de scurté perchël la feries da instà de n’ena de setëmber.
Schule / Kultur | 19.01.2012
26 de jené: cunferënza stampa di resultac dl’analises linguistiches tla scoles ladines
USP – L livel linguistich di sculeies ladins ie ultimamënter unì analisà per la cuinta tlasses dla scoles autes. Ti ani passei fovel unì fat l medem lëur per l’elementeres y la mesanes. N juebia ai 26 de jené uniral tenì na cunferënza stampa de prejentazion dl liber che tol ite i resultac de duta chësta analises linguistiches. Da nuef iel dantaldut l cunfront de resultac danter i trëi livei de scola y i resultac laurei ora plu a puntin.
Schule / Kultur | 17.01.2012
Gran descuscion dl Cunsëi provinziel dla scola per l’ena a 5 dis
USP - L Cunsëi provinziel dla scola se à (INIER) ai 16 de jené ancuntà per rujené ora l’unificazion dl calënder de scola. La se tratova de dé ju n bënsté che la Jonta provinziela adrova per pudëi tò na dezijion definitiva. La votazion finela ie jita ora contra la pruposta. Aldò dla descuscion dl Cunsëi provinziel dla scola, che à durà de feter cater ëura, se aspieten mo vel mudazion ala pruposta.
Schule / Kultur | 16.01.2012
Dai pro i urdenamënc per set studi universiteres, defin nuef ie l Energy Engineering
USP – La Jonta provinziela à dat pro i urdenamënc per set studi dl’Università liedia de Bulsan. Danter chisc, iel (NCUEI) ai 16 de jené nce unì azetà la ntroduzion de n studi nuef tl ciamp dla ngenieria de energia.
Schule / Kultur | 16.01.2012
Sculeies zipla auti de dlacia per l zënter de Urtijëi
USP – I sculeies dl Lizeum d’ert cun Scola prufesciunela de Urtijëi à ntan l’ena passeda fat scultures de dlacia per n cuncors metù a jì n culaburazion cun la lia turistica y l chemun. L prim pest à venciù l scultura dl auto VW Käfer. Ai sculeies ti iel cun chësta scumenciadiva unì pità na ucajion particulera de nseniamënt, per l zënter de Urtijëi pieta la scultures na bela atrazion artistica.