Aktuelles »
Ladinien
Schule / Kultur | 11.06.2009
Assessëur Mussner y Ntendënt Verra n cont dla fin dl ann scolastich
L ann de scola 2008/09 ie per finé via. Per l assessëur per la scoles dla valedes ladines Florian Mussner y l Ntendënt Roland Verra iel na ucajion per cialé de reviers al ann de scola passà y rengrazië duta la nseniantes y i nsenianc, ma nce per ti mbincé ala sculées y ai sculeies de bela feries. Dessot iel da liejer l scrit ntier.
Schule / Kultur | 03.06.2009
Feedback dl’analisa linguistica: ai 5 a S.Martin y ai 10 a Urtijëi
USP – Tla scoles ladines ie unì fat n’evaluazion linguistica di sculeies dla cuinta tlasses elementeres. Deberieda cun esperc dl’Università de Bulsan iel unì analisà la nrescida y paredlà cun sculeies de rujeneda tudëscia y taliana. I resultac de chësta evaluazion scientifica unirà prejentei n vënderdi ai 5 de juni a San Martin de Tor y ai 10 de juni a Urtijëi.
Schule / Kultur | 29.05.2009
Scolines ladines: ai 5 de juni la sëurandata dla stieres
USP – N vënderdi ai 5 de juni uniral sëurandat de ndut 32 stieres tla scolines ladines per l proscimo ann de scola. Maestres che ie tla graduatories per trasferimënc y per ncëries a tëmp determinà ie nviedes tla direzion dla scolines a Picolin.
Schule / Kultur | 20.05.2009
Mo 10 dis per de ju lëures per l cuncors artistich
USP – Ai 3 de juni toma l tiermul per dé ju lëures y nsci fé pea l cuncors scrit ora dala Provinzia de Bulsan per artisc’ dla valedes ladines. Te chisc ultimi diesc dis possa artisc’ ladins de Südtirol, ma nce de Trënt y Belun mandé ite si lëures d’ert.
Schule / Kultur | 19.05.2009
Sculeies vënc l cuncors leterer cun gran creatività
USP – A Urtijëi iel ncuei (19 mei) unì premià i sculeies che à venciù l cuncors leterer per la scoles ladines. Chësc cuncors ie unì giaurì ai sculeies de duta la cin valedes ladines dla Dolomites. L ntendënt Roland Verra y l assessëur Florian Mussner à laudà la gran ceratività y la cura dla rujeneda da pert di sculeies.
Schule / Kultur | 18.05.2009
La storia dl Südtirol n dumënia tla televijion
USP – N dumënia che vën, 24 de mei mostra la RAI de Bulsan la segonda pert dla documentazion sun la storia dl Südtirol. Dala 9.40 danmesdì uniral mustrà l capitul dedicà ala dlieja. L film documenter ie fat per talian cun ntervistes per tudësch y ladin.
Schule / Kultur | 18.05.2009
Borses de studi per l ann che vën
USP – Chi che studieia tla Talia y oradecà, y respetea i criteries udui dant, possa damandé dala Provinzia de Bulsan cuntribuc per l ann academich 2009/2010. L Guviern provinziel à da permò dat pro l bando de cuncors aldò. Chi che damanda l prim iede na borsa de studi dëssa bele sën se lascé nuté su.
Schule / Kultur | 14.05.2009
Sculeies ladins unirà premiei ai 19 de mei per lëures letereres
USP – Studënc de duta la valedes ladines se à dat ju cun leteratura y à prejentà lëures de bon livel. La premiazion dl cuncors de leteratura per la scoles ladines “Nos tl dialogh intercultural”, unirà tenida n merdi che vën, 19 de mei, dala 10 danmesdì tla scola auta Raetia a Urtijëi. L cuncors per sculeies ie unì metù a jì dala Ntendënza per la scoles ladines deberieda cun l Istitut Pedagogich Ladin, la Union Generela di Ladins dla Dolomites y i trëi Istituc Ladins de San Martin de Tor, Vich y Col de S. Lizia.
Schule / Kultur | 11.05.2009
Locai nueves per cultura y identità te Sëlva
USP - Te Sëlva iel unì giaurì locai nueves dl Istitut Culturel Ladin y dla Bibliotech. Dala culaburazion dla istituzions nasc n zënter culturel te Sëlva per dé forza al identità ladina. L assessëur provinziel Florian Mussner y l ambolt Roland Demetz à n sada (9 mei) giaurì ufizialmënter chësta sënta de culaburazion culturela. Te chësta ucajion ie nce unì prejentà la plata internet dla mostra “Viac tla Ladinia”.
Schule / Kultur | 09.05.2009
A Furtëza iel unì giaurì la mostra „Labirit::Lidëza“ (audio)
USP – La mostra interregiunela 2009 ie unida giaurida ncuei sada (9 mei) tl furtin de Furtëza, dal presidënt dla Provinzia Durnwalder deberieda cun i assessëures ala cultura dla Provinzia de Bulsan, de Trënt y dl Lond Tirol. „N labirint per abiné la lidëza“ chësc ie l pensier zentrel dla mostra che resta davierta nchin ala fin de utober.