Aktuelles »
Ladinien
Schule / Kultur | 26.07.2010
Fotografies d’ert tl Istitut Ladin: giaurida ai 27 de lugio
USP – L Istitut Ladin Miucrà de Rü mënt chësc instà a jì cater mostres artistiches n culaburazion cun la lia “Ert por i Ladins”. Duman, 27 de lugio uniral giaurì a S. Martin de Tor la mostra de fotografies d’ert de Simon Perathoner. Te chësta ucajion uniral nce prejentà la zaita culturela-alternativa Puhin.
Schule / Kultur | 22.07.2010
Furmazion prufesciunela: cudejiei nueves
USP – Per se fé n cheder dla vela de cursc de furmazion prufesciunela iel tla Repartizion provinziela cudejiei nueves dan man.
Schule / Kultur | 12.07.2010
Doi sëires de teater tl Museum Ladin
USP – La sëires dl 15 y 16 de lugio ie dedichedes al palch tl Museum Ladin. L sarà da udëi l pez de teater „Ein Hamlet“ de Mauro Pescio. L se trata de n pez tla rujeneda taliana per jëuni y per granc.
Schule / Kultur | 08.07.2010
Suplënzes tla scoles ladines
USP – La Ntendënza ala scola ladina fej al savëi che la suplënzes per l proscimo ann tla scoles ladines unirà sëurandata n vënderdi ai 6 de agost dala 9 danmesdì tla sënta dla Ntendënza, tla streda Binder a Bulsan.
Schule / Kultur | 07.07.2010
Feter duc i candidac ladins ie passei l ejam de stat
USP – 42 de 44 sculeies che se à prejentà per l ejam de stat tla scoles autes ladines ie nce passei. La majera pert di candidac à finà via la scola auta cun n resultat danter 71 y 80 ponc. Cun l sistem n fregul nuef, ne iel chëst ann stati deguni che à arjont i 100 ponc. Tla valedes ladines ie me doi sculeies nia passei l ejam de matura.
Schule / Kultur | 06.07.2010
Gran nteres per l film “L secul ladin” a Dispruch
USP – Ladins ne vif aldidancuei nia me tla valedes ladines ma nce tl Tirol ulache i fova ruvei ntan l tëmp dl’opzion. Canche l assessëur provinziel y regiunel Florian Mussner à prejentà l film “L secul ladin” tl chino Metropol a Dispruch, ala fin de juni, à na gran cumpëida de jënt mustrà gran nteres. La scumenciadiva de documenté la situazion di ladins che ova messù se n jì da si ncësa ie unida tëuta su de bon uedl nce dal assessëura dl Tirol Beate Palfrader.
Schule / Kultur | 21.06.2010
Duman scumëncia i ejams de maduranza: posizion de Mussner y Verra
USP – L scumenciamënt di ejams de maduranza, duman 22 de juni, pieta ucajion al Assessëur provinziel ladin y l Ntendënt ala scola ladina de fé n cheder dla situazion danter reforma y promozion dla rujenedes. Mbincian dut l bon per i ejams de maduranza vëniel sorissà l bujën de recunescënza dla matura paritetica per l ejam de bilinguism.
Schule / Kultur | 15.06.2010
44 maduranc tla scoles ladines
USP – N merdi ai 22 juni, scumëncia nce tla scoles autes dla valedes ladines la matura. Permez al’autra scoles, messerà i candidac per la matura paritetica fé na prova scrit de plu. Ai 44 sculeies y sculees tla val Badia y te Gherdëina, ti mbincia l assessëur ladin Mussner dut l bon per chësc ejam mpurtant.
Schule / Kultur | 08.06.2010
Ai 14 de juni ejams tla scoles mesanes
USP – N lunesc ai 14 de juni mët man i ejams dla scoles mesanes. Tla valedes ladines iel 248 sculeies che fajerà de ndut sies proves per finé via la scola mesana. Da nuef iel chëst ann che l ejam nstës giapa n majer pëis permez ala valutazions ntan l ann de scola. Per l prim iede uniral nce sëurandat na zertificazion dla cumpetënzes.
Schule / Kultur | 01.06.2010
Ai 10 de juni sëurandata dla stieres tla scolines ladines
USP – N juebia ai 10 de juni uniral sëurandat de ndut 28 stieres tla scolines ladines per l proscimo ann de scola. Maestres che ie tla graduatories per trasferimënc y per ncëries a tëmp determinà ie nviedes tla direzion dla scolines a Piculin.