Aktuelles »
Rumantschia
RTR - Novitads da la regiun
Novitads dal di da la Rumantschia furnidas da Radio e Televisiun Rumantscha (RTR) [Link extern]
. weiterInteressante Nachrichten aus der Rumantschia
01-05-2010
16 da matg – 3 da zercladur 2010: Festival dal film rumantsch a Vnà ed a Ramosch
Dals 16 da matg fin ils 3 da zercladur preschentan l’Ediziun Piz e la Lia Rumantscha il Festival dal film rumantsch. Durant quatter sairadas raquintan diversas projecziuns l’istorgia dal film rumantsch. Pitschens referats d’entrada e forums da discussiun cumpletteschan il program. Dapli
10-03-2010
12-17 d’avrigl 2010: Dis da las portas avertas al DRG
Quest on festivescha la Societad Retorumantscha ses giubileum da 125 onns. En quest connex avra l'Institut dal DRG sias portas, sinaquai che la publicitad possia prender invista da la lavur e dal ritg material documentar da l'institut. Dapli
01-03-2010
Museum Ladin Ćiastel de Tor
Ćiastel de Tor a San Martin scriva or ina concurrenza d’art: Sa participar pon era artistas ed artists grischuns. Termin per inoltrar l'annunzia: 11-3-2010. Dapli
25-02-2010
Concurrenza da scriver «Pledpierla»
La Lia Rumantscha Center Ladin organisescha per l’otgavla giada la concurrenza da scriver «Pledpierla». La finamira èsi da promover il plaschair da scriver texts rumantschs e d’avair quità per l‘avegnir da la litteratura rumantscha. Dapli
25-02-2010
Occurrenza da litteratura «4+1 translatar tradurre übersetzen traduire»
L'occurrenza da litteratura «4+1 translatar tradurre übersetzen traduire» tematisescha la translaziun litterara tranter las quatter linguas naziunalas da la Svizra ed ina lingua ospitanta (4+1). Ella ha lieu mintga dus onns en in'autra regiun da la Svizra. La terza occurrenza ha lieu ils 5 e 6 da mars 2010 a Cuira. Dapli
23-02-2010
Concurrenza «Plema d'aur» è puspè lantschada
Arno Camenisch, Nadja Scarpatetti u era Silvio Camenisch èn gia vegnids onurads cun la «Plema d'aur». Uss è la concurrenza da scriver da la Lia Rumantscha scritta ora per la 15avla giada. Dapli
18-02-2010
Nova ediziun da «La chasa veglia» dad Oscar Peer
La pli nova ovra dal scriptur engiadinais Oscar Peer è in cudesch en lingua tudestga e rumantscha cun il titel «La chasa veglia - Das alte Haus». Ella è vegnida edida da la chasa editura Limmat. La versiun rumantscha da «La chasa veglia» è gia la terza che Oscar Peer edescha. Mintgina è pli lunga, quai che vul dir ch'il scriptur ha mintga giada puspè elavurà il text. Dapli
02-2010
Emna da curs da rumantsch per famiglias
La Lia Rumantscha organisescha dals 26 fin 30 da fanadur 2010 a Vignogn in emna da curs da rumantsch per famiglias rumantschas e bilinguas che abiteschan ordaifer il territori rumantsch. Quai succeda en collavuraziun cun in patrunadi da geniturs. Famiglias interessadas pon s’annunziar fin ils 31 da mars 2010. Talun d’annunzia
28-01-2010
Curs d’integraziun sociolinguistica in Engiadin’Ota
En Engadin’Ota vivan e lavuran fitg bleras persunas da lingua portugaisa. Lur uffants che frequentan la scola rumantscha èn en pliras vischnancas ina buna pitga dal rumantsch. Per ch’ils creschids possian sustegnair pli bain pussibel lur uffants e per megliurar lur integraziun, vegn sport a Samedan in curs d’integraziun sociolinguistica. Il curs organisà da la Lia Rumantscha vegn sustegnì dal chantun Grischun, dal circul d’Engiadin’Ota. Il curs ha cumenzà ils 28 da schaner e dura 10 sairadas. Dapli
01-11-2009
Prosa e poesia, pennas e paginas als Dis da litteratura 2009
Dals 6 als 8 da november 2009 han lieu ils Dis da litteratura a Domat en la halla Tircal. Danovamain spetg’ins in program interessant e multifar che stat quest onn sut l’ensaina dal moviment, dal viadi e da las fermadas durant il viadi. Program detaglià «Proxima fermada Domat»
20-10-2009
La chasa editura ha ina manadra
La Chasa Editura Rumantscha (CER) ch'è vegnida fundada la fin d’avust 2009 ha elegì sia emprima editura. A partir dal schaner 2010 vegn Anita Decurtins-Capaul, oriunda da la Val Lumnezia, a surpigliar la direcziun da la CER. Sco editura vegn ella ad accumpagnar e cussegliar auturas ed auturs, intermediar lectorats e sviluppar il program d’ediziuns.
01-10-2009
90 onns Lia Rumantsch – occurrenzas da giubileum
Il punt da partenza per las activitads da giubileum è l’occurrenza d’avertura ils 24 d’october 2009 a Savognin. dapli
I seguan autras occurrenzas da different gener a Valchava, Sent, Falera e Laax. dapli
31-08-2009
Nov med d'instrucziun URGESCHICHTE - PREISTORGIA - ARCHEOSTORIA
Las ultimas emnas han ils meds d'instrucziun dal Grischun pudì engrondir il sortiment dal rom istorgia sin il stgalim primar da las scolas rumantschas e talianas. Da nov po il med d'instrucziun UrgeschiCHte - Preistorgia - Archestoria vegnir retratg en trais linguas. dapli
24-08-2009
Ina chasa editura per la Rumantschia
En il futur vegn la lavur litterara rumantscha puspè sustegnida a moda professiunala – entras la Chasa Editura Rumantscha (CER), in project communabel da Pro Helvetia, il Chantun Grischun e la Lia Rumantscha. La fundaziun ha gì lieu en avust 2009.
03-08-2009
«Alerts» - nov med da lingua rumantsch grischun
Suenter «Passins» e «Puntinas» è ussa cumparì il nov med da lingua rumantsch grischun per la 3. classa primara. El cuntinuescha cun la finamira dal project «rumantsch grischun en scola», numnadamain da metter a disposiziun a las scolas rumantschas meds d'instrucziun uschè attractivs ed actuals sco pussaivel. dapli
03-08-2009
Stadi dal project «Rumantsch grischun en scola»
Ils novs meds d'instrucziun vegnan applitgads en il fratemp en var 40 vischnancas da la Val Müstair, dal Grischun central e da la Surselva. I sa tracta da quellas vischnancas ch'èn sa decididas d'introducir il rumantsch grischun en scola fin l'onn da scola 2009/10. Plinavant vegni cuntinuà cun la furmaziun supplementara da las persunas d'instrucziun en las vischnancas da piunier. L'introducziun dal rumantsch grischun vegn evaluada da l'Institut per la plurilinguitad da l'universitad e da la Scola auta da pedagogia da Friburg. In emprim rapport qualitativ è avant maun. dapli
03-07-2009
Firefox – il navigatur rumantsch
Il program da computer Mozilla Firefox è in navigatur che pussibilitescha da visualisar paginas d’internet. Cun la nova versiun dal navigatur Mozilla Firefox 3.5 stat per l’emprima giada a disposiziun ina ediziun rumantscha che po vegnir telechargiada gratuitamain.
04-03-2009
Champ polivalent rumantsch per famiglias
Sin dumonda da geniturs interessads e sut lur patrunadi organisescha la Lia Rumantscha questa stad in champ per famiglias rumantschas/bilinguas da la diaspora, pia d’ordaifer il territori da tschep rumantsch. Ils geniturs e lur uffants duain avair la pussaivladad da «far in bogn» en la lingua e cultura rumantscha e d’intensivar lur abilitads linguisticas rumantschas en in champ polivalent. dapli
04-03-2009
Champ da teater rumantsch per uffants e giuvenils
Il project «Champ da teater» da la Pro Svizra Rumantscha (PSR) ha en egl uffants e giuvenils ch’èn creschids si ordaifer il territori rumantsch, che han dentant bab u mamma rumantscha. Durant l’emna dals 2 als 8 d’avust 2009 han els la pussaivladad da s’entupar a Tschlin per crear ensemen in toc da teater. Quai fan els sut la direcziun da Roman Weishaupt ed Annina Sedlacek, duas persunas cun blera experientscha da realisar projects da teater cun uffants e giuvenils. dapli
03-03-2009
Nov vestgì per las paginas d'internet dal chantun Grischun
Il chantun Grischun ha concepì da nov ed unifitgà sias paginas d'internet. En in emprim pass è il portal http://www.gr.ch/ vegnì mess sin la rait la fin da favrer. La plattafurma survesaivla metta a disposiziun a las burgaisas ed als burgais ina purschida attractiva d'infurmaziuns en las trais linguas chantunalas.
05-02-2009
90 onns Lia Rumantscha - las activitads da giubileum
Il 2009 festivescha la Lia Rumantscha (LR) ses 90avel onn d'existenza. 50 occurrenzas da tut gener duain avair lieu durant in onn. Betg la LR mabain la lingua e cultura rumantscha stattan en il center da las activitads da giubileum.
La Quotidiana – Frontartikel
Critica per la concurrenza
(anr/gv) Alla radunonza da delegai dils liberaldemocrats la mesjamna sera a Glion ha il president Michael Pfäffli tratg ina bilanza en luna da victur.
Ediu ina preziusa Cronica
(anr/gc) En claustra a Mustér ei vegniu presentau mesjamna sera ad in grond publicum la Cronica dils Berthers. Ei setracta dad ina ediziun cun notizias da pliras persunas dalla famiglia Berther che p.
Flem Laax Falera sco regiun da bike
(mc) La destinaziun turistica da Flem Laax Falera vul daventar la megliera destinaziun da bike dall'Europa. Per contonscher quella finamira sa ins quintar el marketing cul sustegn dil campiun mundial Nino Schurter.
Grischun cun retard?
L'avust han 436 firmas svizras fatg concurs, quai è quest onn baingea il mais cun ils pli paucs concurs da firmas, ma tuttina èsi 11 pertschient dapli che dal 2009.
Huonder duai tschertgar il discurs
(sda/anr) La conferenza dals uvestgs svizzers (CUS) spera ch'ins chattia ina «buna schliaziun» pertutgant la dumonda d'in segund uvestg auxiliar per la diocesa da Cuira.
Ün zich 114 in Engiadina
(anr/mfo) L'exercizi «Chalavaina» cha'l battagliun d'infantaria da muntogna 77 ha passantà quist'eivna in Engiadina e Val Müstair ha fat renascher algordanzas.